ಆಧಾರ್ ಕಾರ್ಡ್ ಜನನ ಪ್ರಮಾಣಪತ್ರದ ಪುರಾವೆಯಲ್ಲ! :ಯುಐಡಿಎಐ ಹೊಸ ನಿಯಮ 

Views: 132

ಆಧಾರ್ ಕಾರ್ಡ್‌ನಲ್ಲಿ ಬರೆದ ಜನ್ಮ ದಿನಾಂಕವು ಯಾವುದೇ ದಾಖಲೆಯಲ್ಲಿ ಹುಟ್ಟಿದ ದಿನಾಂಕಕ್ಕೆ ಮಾನ್ಯವಾಗಿರುವುದಿಲ್ಲ ಎಂದು ಯುಐಡಿಎಐ ತಿಳಿಸಿದೆ.

ಪ್ರಸ್ತುತ ಆಧಾರ್ ಕಾರ್ಡ್ ಭಾರತದ ಪ್ರತಿ ನಾಗರೀಕರಿಗೂ ಅಗತ್ಯ ದಾಖಲೆಯಾಗಿದೆ. ಇದೀಗ ಆಧಾರ್ ಕಾರ್ಡ್ ಸಂಬಂಧಿಸಿದಂತೆ ಯುಐಡಿಎಐ ತನ್ನ ಪ್ರಮುಖ ನಿಯಮವನ್ನು ಬದಲಾಯಿಸಿದ್ದು, ಇನ್ನು ಮುಂದೆ ಆಧಾರ್ ಕಾರ್ಡ್ ಜನ್ಮ ದಿನಾಂಕದ ಪುರಾವೆಯಾಗಿರುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಈ ಕುರಿತಂತೆ ಆದೇಶ ಹೊರಡಿಸಿರುವ ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ (ಯುಐಡಿಎಐ), ದಿನಾಂಕ, ತಿಂಗಳು ಮತ್ತು ವರ್ಷ ಇತ್ಯಾದಿಗಳನ್ನು ಬದಲಾಯಿಸುವ ಮೂಲಕ ಆಧಾರ್‌ನಲ್ಲಿ ಜನ್ಮ ದಿನಾಂಕವನ್ನು ಬದಲಾಯಿಸುವ ಮೂಲಕ ವಂಚನೆಯನ್ನು ತಡೆಯಲು ಈ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ. ಡಿಸೆಂಬರ್ 1 ರಿಂದ ಹೊಸ ವ್ಯವಸ್ಥೆ ಜಾರಿಗೆ ಬಂದಿದೆ ಎಂದು ತಿಳಿಸಿದೆ.

ಇದಲ್ಲದೆ, ಹೊಸದಾಗಿ ರಚಿಸಲಾದ ಆಧಾರ್‌ನಲ್ಲಿಯೂ ಸಹ ಅದನ್ನು ಜನ್ಮ ದಿನಾಂಕವಾಗಿ ಬಳಸದಿರುವ ಬಗ್ಗೆಯೂ ಆಧಾರ್ ಕಾರ್ಡ್‌ನಲ್ಲಿ ನಮೂದಿಸಲಾಗುತ್ತಿದೆ. ಈಗ ನೀವು ಯಾವುದೇ ಹೊಸ ಆಧಾರ್ ಕಾರ್ಡ್ ಅನ್ನು ಡೌನ್‌ಲೋಡ್ ಮಾಡಿದರೂ, ಅದರ ಮೇಲೆ ಇದನ್ನು ಬರೆಯಲಾಗಿರುತ್ತದೆ.

ಜನನ ಪ್ರಮಾಣ ಪತ್ರ ನೀಡುವುದು ಕಡ್ಡಾಯ!

ಈ ಬಗ್ಗೆ ಮಾಹಿತಿ ನೀಡಿರುವ ಆಧಾರ್ ಯೋಜನೆಯ ಉಪನಿರ್ದೇಶಕ ರಾಕೇಶ್ ವರ್ಮಾ, ಹೊಸ ನಿಯಮಗಳಿಂದ ಶಾಲಾ ಕಾಲೇಜು ಪ್ರವೇಶವಾಗಲಿ, ಪಾಸ್ ಪೋರ್ಟ್ ಮಾಡಿಸುವುದಾಗಲಿ ಎಲ್ಲ ಕಡೆ ಆಧಾರ್ ಕೇವಲ ಗುರುತಿನ ದಾಖಲೆಯಾಗಿ ಬಳಕೆಯಾಗಲಿದೆ. ಜನ್ಮ ದಿನಾಂಕದ ಪರಿಶೀಲನೆಗಾಗಿ ಜನ್ಮ ಪ್ರಮಾಣಪತ್ರವನ್ನು ಪ್ರಸ್ತುತಪಡಿಸುವುದು ಅಗತ್ಯವಾಗಿರುತ್ತದೆ ಎಂದು ತಿಳಿಸಿದ್ದಾರೆ.

ಜನನ ದಿನಾಂಕಕ್ಕೆ ಏನೇನು ದಾಖಲೆ ನೀಡಬಹುದು?

*ಶಾಲಾ ವರ್ಗಾವಣೆ ಪ್ರಮಾಣ ಪತ್ರ,*ಪಾನ್ ಕಾರ್ಡ್,* ಕೇಂದ್ರ /ರಾಜ್ಯ ಪಿಂಚಣಿ ಪಾವತಿ ಆದೇಶ,* ಸರಕಾರ ನೀಡಿರುವ ವಾಸ್ತವ್ಯ ಪ್ರಮಾಣ ಪತ್ರ, ಪಾಸ್ ಪೋರ್ಟ್