ಎಲ್ಲಾ ಪ್ರಯಾಣಿಕರ ಅನುಕೂಲಕ್ಕಾಗಿ ಬರಲಿವೆ ವಂದೇ ಸಾಧಾರಣ್ ರೈಲುಗಳು: ಅಕ್ಟೋಬರ್ನಲ್ಲಿ ಸ್ಲೀಪರ್ ಆವೃತ್ತಿ ಪ್ರಾರಂಭ
Views: 0
ಆರ್ಥಿಕವಾಗಿ ಹಿಂದುಳಿದವರು ಈ ರೈಲ್ವೇನಲ್ಲಿ ಪ್ರಯಾಣಿಸಲು ಸಾಧ್ಯವಾಗಿಲ್ಲ. ಹಾಗಾಗಿ ಇದನ್ನು ಗಮನದಲ್ಲಿಟ್ಟುಕೊಂಡು ವಂದೇ ಸಾಧಾರಣ್ ರೈಲುಗಳನ್ನು ಪ್ರಾರಂಭಿಸಲು ಭಾರತೀಯ ರೈಲ್ವೇ ಮುಂದಾಗಿದೆ. ಈ ವರ್ಷದ ಅಕ್ಟೋಬರ್ನಲ್ಲಿ ‘ವಂದೇ ಸಾಧರಣ್ ಎಕ್ಸ್ಪ್ರೆಸ್’ಎಂಬ ಹೆಸರಿನ ಸ್ಲೀಪರ್ ಆವೃತ್ತಿಯನ್ನು ಪ್ರಾರಂಭಿಸಲಿದೆ.
‘ವಂದೇ ಭಾರತ್ ಎಕ್ಸ್ಪ್ರೆಸ್’ ಈಗಾಗಲೇ ಭಾರತದ ಪ್ರಮುಖ ನಗರಗಳಿಗೆ ಸಂಪರ್ಕ ಕಲ್ಪಿಸಿದೆ. ವಂದೇ ಭಾರತ್ನಲ್ಲಿ ಒದಗಿಸಲಾಗುತ್ತಿರುವ ಸೌಲಭ್ಯಗಳು ಪ್ರಯಾಣಿಕರಿಗೆ ಹೆಚ್ಚು ಆರಾಮದಾಯಕವಾಗಿದೆ. ಆದರೆ ಹೆಚ್ಚಿನ ದರಗಳಿಂದಾಗಿ ಆರ್ಥಿಕವಾಗಿ ಹಿಂದುಳಿದವರು ಈ ರೈಲ್ವೇನಲ್ಲಿ ಪ್ರಯಾಣಿಸಲು ಸಾಧ್ಯವಾಗಿಲ್ಲ. ಹಾಗಾಗಿ ಇದನ್ನು ಗಮನದಲ್ಲಿಟ್ಟುಕೊಂಡು ವಂದೇ ಸಾಧಾರಣ್ ರೈಲುಗಳನ್ನು ಪ್ರಾರಂಭಿಸಲು ಭಾರತೀಯ ರೈಲ್ವೇ ಮುಂದಾಗಿದೆ. ಈ ವರ್ಷದ ಅಕ್ಟೋಬರ್ನಲ್ಲಿ ‘ವಂದೇ ಸಾಧರಣ್ ಎಕ್ಸ್ಪ್ರೆಸ್’ ಎಂಬ ಹೆಸರಿನ ಸ್ಲೀಪರ್ ಆವೃತ್ತಿಯನ್ನು ಪ್ರಾರಂಭಿಸಲಿದೆ.
ಒಟ್ಟು 22 ಕೋಚ್ಗಳು
‘ವಂದೇ ಸಾಧರಣ್ ಎಕ್ಸ್ಪ್ರೆಸ್’ ರೈಲ್ವೇ 22 ಕೋಚ್ಗಳನ್ನು ಹೊಂದಿದ್ದು, ಎರಡೂ ಭಾಗಗಳಲ್ಲಿ 2 WAP-5 ಇಂಜಿನ್ಗಳನ್ನು ಹೊಂದಿದೆ. ಗಂಟೆಗೆ 130 ಕಿಮೀ ವೇಗದಲ್ಲಿ ಚಲಿಸುವ ರೈಲು ವಂದೇ ಭಾರತ್ ತರಹದ ಕ್ಲಾಸಿ ಇಂಟೀರಿಯರ್ ಮತ್ತು ಚಾರ್ಜಿಂಗ್ ಪಾಯಿಂಟ್ಗಳನ್ನು ಹೊಂದಿದ್ದು, ಸ್ವಯಂಚಾಲಿತ ಬಾಗಿಲುಗಳು ಮತ್ತು ಎಸಿ ಹೊಂದಿರುವುದಿಲ್ಲ
ಈ ಕುರಿತಾಗಿ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿಯ ಜನರಲ್ ಮ್ಯಾನೇಜರ್ ಬಿ.ಜಿ ಮಲ್ಯ ಮಾತನಾಡಿ, ಈ ವರ್ಷದಲ್ಲಿ ನಾವು ವಂದೇ ಭಾರತ್ ಸ್ಲೀಪರ್ ಆವೃತ್ತಿಯನ್ನು ಪ್ರಾರಂಭಿಸುತ್ತೇವೆ. ಅದೇ ರೀತಿಯಾಗಿ ಈ ವರ್ಷದಿಂದಲೇ ವಂದೇ ಮೆಟ್ರೋವನ್ನು ಸಹ ಪ್ರಾರಂಭಿಸುತ್ತೇವೆ. ಆರ್ಥಿಕವಾಗಿ ಹಿಂದೂಳಿದ ಪ್ರಯಾಣಿಕರಿಗಾಗಿ ಈ ರೈಲನ್ನು ಪ್ರಾರಂಭಿಸುತ್ತೇವೆ, ಇದನ್ನು ನಾನ್-ಎಸಿ ಪುಶ್-ಪುಲ್ ರೈಲು ಎಂದು ಕರೆಯಲಾಗುತ್ತದೆ. ಇದು 22 ಕೋಚ್ಗಳು ಮತ್ತು ಲೊಕೊಮೊಟಿವ್ ಅನ್ನು ಹೊಂದಿರುತ್ತದೆ. ಅಕ್ಟೋಬರ್ 31 ರಂದು ಈ ರೈಲುಗಳನ್ನು ಓಡಾಟ ನಡೆಸಲಿವೆ ಎಂದರು.
