ಆರ್ಥಿಕ

BEL ನಿಂದ ಬಿಇ, ಬಿಟೆಕ್, ಬಿಎಸ್ಸಿ ಆದವರಿಗೆ 350 ಹುದ್ದೆಗಳಿಗೆ ಅರ್ಜಿ ಆಹ್ವಾನ 

Views: 240

ಕನ್ನಡ ಕರಾವಳಿ ಸುದ್ದಿ: ಭಾರತ್ ಇಲೆಕ್ಟ್ರಾನಿಕ್ಸ್‌ ಲಿಮಿಟೆಡ್ -ಇಲೆಕ್ಟ್ರಾನಿಕ್ ವಾರ್‌ಫೇರ್‌, ಟ್ಯಾಂಕ್ ಇಲೆಕ್ಟ್ರಾನಿಕ್ಸ್‌ ಮತ್ತು ಇಲೆಕ್ಟ್ರೊ ಆಪ್ಟಿಕ್ಸ್‌ ಕ್ಷೇತ್ರಕ್ಕೆ ಸಂಬಂಧಿತ 350 ಕ್ಕೂ ಹೆಚ್ಚು ವಿವಿಧ ಪ್ರಾಡಕ್ಟ್‌ಗಳನ್ನು ಇಲ್ಲಿ ತಯಾರು ಮಾಡಲಾಗುತ್ತದೆ. ಇದೀಗ ಬಿಇಎಲ್‌ ಭಾರತದಾದ್ಯಂತ ತನ್ನ ಘಟಕಗಳಲ್ಲಿ ನೇಮಕ ಮಾಡಲು ಪ್ರೊಬೇಷನರಿ ಇಂಜಿನಿಯರ್ ಹುದ್ದೆಗಳ ಭರ್ತಿಗೆ ನೋಟಿಫಿಕೇಶನ್‌ ಬಿಡುಗಡೆ ಮಾಡಿದೆ. ಆಸಕ್ತರು ಕೆಳಗಿನ ವಿವರಗಳನ್ನು ತಿಳಿದು ಅರ್ಜಿ ಸಲ್ಲಿಸಬಹುದು.

ಹುದ್ದೆ ಹೆಸರು ಪ್ರೊಬೇಷನರಿ ಇಂಜಿನಿಯರ್‌ಗಳು( ಇಲೆಕ್ಟ್ರಾನಿಕ್ಸ್‌ / ಮೆಕ್ಯಾನಿಕಲ್)

ಒಟ್ಟು ಹುದ್ದೆ ಸಂಖ್ಯೆ 350

ವೇತನ ಶ್ರೇಣಿ Rs.40,000- 1,40,000. (ಬೇಸಿಕ್ ಪೇ ಜತೆಗೆ ಡಿಎ, ಹೆಚ್‌ಆರ್‌ಎ, ಪ್ರಯಾಣ ಭತ್ಯೆ, ಕಾರ್ಯದಕ್ಷತೆ ಭತ್ಯೆ, ಮೆಡಿಕಲ್ ಪೇ, ಇತರೆ ಭತ್ಯೆ ನೀಡಲಾಗುತ್ತದೆ).

ಹುದ್ದೆ ಹೆಸರು ಹುದ್ದೆಗಳ ಸಂಖ್ಯೆ

ಪ್ರೊಬೇಷನರಿ ಇಂಜಿನಿಯರ್ (ಇಲೆಕ್ಟ್ರಾನಿಕ್ಸ್) ಇನ್‌ ಇ-II ಗ್ರೇಡ್‌ 200

ಪ್ರೊಬೇಷನರಿ ಇಂಜಿನಿಯರ್ (ಮೆಕ್ಯಾನಿಕಲ್) ಇನ್‌ ಇ-II ಗ್ರೇಡ್‌ 150

ಒಟ್ಟು 350 ಹುದ್ದೆಗಳ ಪೈಕಿ ಸಾಮಾನ್ಯ ಅರ್ಹತೆಯವರಿಗೆ 143, ಆರ್ಥಿಕವಾಗಿ ಹಿಂದುಳಿದ ವರ್ಗದವರಿಗೆ 35, ಒಬಿಸಿ ಎನ್‌ಸಿಎಲ್‌ ಅಭ್ಯರ್ಥಿಗಳಿಗೆ 94, ಎಸ್‌ಸಿ ಅಭ್ಯರ್ಥಿಗಳಿಗೆ 52, ಎಸ್‌ಟಿ ಅಭ್ಯರ್ಥಿಗಳಿಗೆ 26 ಹುದ್ದೆಗಳು ಮೀಸಲಿವೆ.

ಅರ್ಹತೆಗಳು: ಪ್ರೊಬೇಷನರಿ ಇಂಜಿನಿಯರ್ (ಇಲೆಕ್ಟ್ರಾನಿಕ್ಸ್) ಇನ್‌ ಇ-II ಗ್ರೇಡ್‌ ಹುದ್ದೆಗಳಿಗೆ ಇಲೆಕ್ಟ್ರಾನಿಕ್ಸ್ ಮತ್ತು ಸಂವಹನ ವಿಷಯದಲ್ಲಿ ಬಿಇ, ಬಿ.ಟೆಕ್, ಬಿಎಸ್ಸಿ ಪದವಿ ಪಡೆದಿರಬೇಕು.

ಪ್ರೊಬೇಷನರಿ ಇಂಜಿನಿಯರ್ (ಮೆಕ್ಯಾನಿಕಲ್) ಇನ್‌ ಇ-II ಗ್ರೇಡ್‌ ಹುದ್ದೆಗಳಿಗೆ ಮೆಕ್ಯಾನಿಕಲ್ ವಿಷಯದಲ್ಲಿ ಬಿಇ, ಬಿ.ಟೆಕ್, ಬಿಎಸ್ಸಿ ಪದವಿ ಪಡೆದಿರಬೇಕು.

ಪ್ರಥಮ ಗ್ರೇಡ್‌ನಲ್ಲಿ ಪದವಿ ಪಡೆದಿರಬೇಕು.

ಸಾಮಾನ್ಯ ಅರ್ಹತೆಯ ಅಭ್ಯರ್ಥಿಗಳಿಗೆ ದಿನಾಂಕ 01-01-2025 ಕ್ಕೆ 25 ವರ್ಷ ಮೀರಿರಬಾರದು.

ಒಬಿಸಿ ವರ್ಗದವರಿಗೆ 3 ವರ್ಷ, ಎಸ್ಸಿ/ ಎಸ್‌ಟಿ ವರ್ಗದವರಿಗೆ 5 ವರ್ಷ ವಯಸ್ಸಿನ ಸಡಿಲಿಕೆ ನಿಯಮ ಅನ್ವಯವಾಗಲಿದೆ.

ಅಪ್ಲಿಕೇಶನ್‌ ಶುಲ್ಕ ರೂ.1180.

ಅರ್ಜಿ ಸಲ್ಲಿಸುವ ವಿಧಾನ

– ಬಿಇಎಲ್‌ ಪ್ರೊಬೇಷನರಿ ಇಂಜಿನಿಯರ್ ಹುದ್ದೆಗಳ ಅರ್ಜಿಗೆ ಡೈರೆಕ್ಟ್‌ ಲಿಂಕ್ ಕ್ಲಿಕ್ ಮಾಡಿ.

– ಓಪನ್ ಆದ ವೆಬ್‌ಪೇಜ್‌ನಲ್ಲಿ ‘New Registration’ ಎಂದಿರುವಲ್ಲಿ ಕ್ಲಿಕ್ ಮಾಡಿ.

– ಈ ಹಂತದಲ್ಲಿ ಓಪನ್ ಆಗುವ ವೆಬ್‌ಪುಟದಲ್ಲಿ ನೀಡಲಾದ ಮಾಹಿತಿಗಳನ್ನು ಓದಿಕೊಳ್ಳಿ.

– ‘Proceed To Apply Online’ ಎಂದಿರುವಲ್ಲಿ ಕ್ಲಿಕ್ ಮಾಡಿ.

– ಕೇಳಲಾದ ಮಾಹಿತಿಗಳನ್ನು ನೀಡಿ, ಅರ್ಜಿ ಸಲ್ಲಿಸಿ.

ಆಯ್ಕೆ ವಿಧಾನ

ಅರ್ಜಿ ಸಲ್ಲಿಸಿದವರನ್ನು ಅರ್ಹತೆಯ ಆಧಾರದಲ್ಲಿ ಸಿಬಿಟಿ ಪರೀಕ್ಷೆಗೆ ಶಾರ್ಟ್‌ ಲಿಸ್ಟ್‌ ಮಾಡಲಾಗುತ್ತದೆ.

ಒಬಿಸಿ, ಸಾಮಾನ್ಯ, ಆರ್ಥಿಕವಾಗಿ ಹಿಂದುಳಿದ ಕೆಟಗರಿಯವರು ಶೇಕಡ.35 ಅಂಕಗಳನ್ನು ಗಳಿಸಬೇಕು. ಇತರೆ ಕೆಟಗರಿಯವರು ಶೇಕಡ.30 ಅಂಕಗಳನ್ನು ಗಳಿಸಬೇಕು.

ಸಿಬಿಟಿ ಪರೀಕ್ಷೆಯಲ್ಲಿ ಗಳಿಸಿದ ಅಂಕಗಳ ಆಧಾರದಲ್ಲಿ ನಂತರ 1:5 ಅನುಪಾತದಲ್ಲಿ ಸಂದರ್ಶನಕ್ಕೆ ಕರೆಯಲಾಗುತ್ತದೆ.

ಸಿಬಿಟಿಯ ಅಂಕಗಳನ್ನು ಶೇಕಡ.85 ಕ್ಕೆ, ಸಂದರ್ಶನ ಅಂಕಗಳನ್ನು ಶೇಕಡ.15 ಅಂಕಗಳಿಗೆ ಪರಿಗಣಿಸಿ ಆಯ್ಕೆ ಮಾಡಲಾಗುತ್ತದೆ.

ನಂತರ ವೈದ್ಯಕೀಯ ಪರೀಕ್ಷೆ, ದಾಖಲೆಗಳನ್ನು ಪರಿಶೀಲನೆ ನಡೆಸಿ, ಆಯ್ಕೆ ಮಾಡಲಾಗುತ್ತದೆ.

ಪ್ರಮುಖ ದಿನಾಂಕಗಳು

ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ: 31-01-2025

ಸಿಬಿಟಿ ಪರೀಕ್ಷೆ ನಡೆಸುವ ಸಂಭಾವ್ಯ ದಿನಾಂಕ: 2025 ಮಾರ್ಚ್ ತಿಂಗಳು.

ಹೆಚ್ಚಿನ ಮಾಹಿತಿಗಾಗಿ https://bel-india.in/ ವೆಬ್‌ಸೈಟ್‌ಗೆ ಭೇಟಿ ನೀಡಿರಿ.

Related Articles

Back to top button