ಪಾಸ್​ ಕೊಟ್ಟು ಇಕ್ಕಟ್ಟಿಗೆ ಸಿಲುಕಿದ ಸಂಸದ ಪ್ರತಾಪ್​ ಸಿಂಹ, ಮುಗಿಬಿದ್ದ ವಿಪಕ್ಷ

Views: 37

ಬೆಂಗಳೂರು: ಇನ್ನೂ, ಸಂಸತ್​ನಲ್ಲಿ ನಡೆದ ದಾಳಿ ಸಂಸದ ಪ್ರತಾಪ್​ ಸಿಂಹರಿಗೆ ನುಂಗಲಾರದ ತುತ್ತಾಗಿ ಪರಿಣಿಮಿಸಿದೆ. ಆರೋಪಿಗಳಿಬ್ಬರಿಗೆ ಪಾಸ್​ ಕೊಟ್ಟಿದ್ದೇ ಸದ್ಯ ಪ್ರತಾಪ್​ ಸಿಂಹರಿಗೆ ಮುಳುವಾಗಿದೆ. ಇದನ್ನೇ ಅಸ್ತ್ರವಾಗಿಸಿಕೊಂಡಿರೋ ವಿಪಕ್ಷಗಳು ಕೇಂದ್ರ ಸರ್ಕಾರ ಮತ್ತು ಪ್ರತಾಪ್​ ವಿರುದ್ಧ ಮುಗಿಬಿದ್ದಿವೆ.

ಏನೋ ಸಂಸತ್​ ನೋಡ್ಬೇಕು ಅಂದ್ಕೊಂಡಿದ್ದಾರೆಂದು ನಂಬಿ ಪಾಸ್​ ಕೊಟ್ಟಿದ್ದ ತಪ್ಪಿಗೆ ಸದ್ಯ ಪ್ರತಾಪ್​ ಸಿಂಹ ಇಕ್ಕಟ್ಟಿಗೆ ಸಿಲುಕಿದ್ದಾರೆ. ಕೆಲವರು ಸಂಸದರತ್ತ ಅನುಮಾನದ ದೃಷ್ಟಿ ನೆಟ್ಟಿರೋದಂತೂ ಸುಳ್ಳಲ್ಲ.

ಇನ್ನು, ಘಟನೆ ನಡೆದ ಬೆನ್ನಲ್ಲೇ ಪಾಸ್​ ಕೊಟ್ಟಿದ್ದಕ್ಕೆ ಸಂಸದ ಪ್ರತಾಪ್​ ಸಿಂಹರತ್ತ ಎಲ್ಲರ ಬೊಟ್ಟು ತಿರುಗುತ್ತಿದ್ದಂತೆ ಸ್ಪೀಕರ್​ ಓಂ ಬಿರ್ಲಾ ಸ್ಪಷ್ಟನೆ ಕೇಳಿದರು. ಸ್ಪೀಕರ್​ ಸ್ಪಷ್ಟನೆ ಕೇಳ್ತಿದ್ದಂತೆ ಅವರನ್ನು ಭೇಟಿಯಾದ ಪ್ರತಾಪ್​ ಆರೋಪಿ ತಂದೆ ನನ್ನ ಕ್ಷೇತ್ರದವರು. ಅವರು ನೂತನ ಸಂಸತ್​ ಭವನ ವೀಕ್ಷಣೆಗೆ ವೀಕ್ಷಕರ ಪಾಸ್​ ಕೇಳ್ತಿದ್ರು. ನನ್ನ ಪಿಎ ಜೊತೆ ಅವರ ತಂದೆ ಪಾಸ್​ ಪಡೆಯಲು ನಿರಂತರವಾಗಿ ಸಂಪರ್ಕದಲ್ಲಿದ್ರು ಎಂದು ಮಾಹಿತಿ ನೀಡಿದ್ದಾರೆ.

ಸಂಸದ ಪ್ರತಾಪ್ ಸಿಂಹ ವಿರುದ್ಧ ಕಾಂಗ್ರೆಸ್ ಕಿಡಿ

ಇದನ್ನೇ ಅಸ್ತ್ರವಾಗಿಸಿಕೊಂಡಿರೋ ಕಾಂಗ್ರೆಸ್​ ಇವತ್ತು ಪ್ರತಾಪ್​ ಸಿಂಹ ವಿರುದ್ಧ ಬೆಂಗಳೂರಿನ ಕಾಂಗ್ರೆಸ್ ಭವನದಲ್ಲಿ ಪ್ರತಿಭಟನೆ ನಡೆಸಿದೆ. ಸಂಸದರ ಫೋಟೋಗೆ ಬೆಂಕಿ ಹಚ್ಚಿ ಬಂಧಿಸುವಂತೆ ಆಗ್ರಹಿಸಿದೆ. ಬಳಿಕ ಕಾಂಗ್ರೆಸ್ ಕಾರ್ಯಕರ್ತರು ರಸ್ತೆ ತಡೆಯುವುದಕ್ಕೆ ಮುಂದಾದ್ರು. ಈ ವೇಳೆ ಪೊಲೀಸರು ಪ್ರತಿಭಟನಾಕಾರರನ್ನು ವಶಕ್ಕೆ ಪಡೆದು ಕರೆದೊಯ್ದಿದ್ದಾರೆ.

ಪ್ರತಾಪ್ ಸಿಂಹರ ಸಹಕಾರವಿಲ್ಲದೆ ಇದು ಸಾಧ್ಯವೇ?

ಅಷ್ಟೇ ಅಲ್ಲ, ಮೈಸೂರಲ್ಲಿ ಮಾತಾಡಿದ ಕಾಂಗ್ರೆಸ್​ ಮಾಜಿ ಶಾಸಕ ಯತೀಂದ್ರ ಸಿದ್ದರಾಮಯ್ಯ, ಪ್ರತಾಪ್ ಸಿಂಹರ ಸಹಕಾರವಿಲ್ಲದೆ ಇದು ಸಾಧ್ಯವೇ? ಎಂದು ಪ್ರಶ್ನೆ ಮಾಡಿದ್ರು. ಪ್ರತಾಪ್ ಸಿಂಹರನ್ನು ಸೂಕ್ತ ವಿಚಾರಣೆ ನಡೆಸಬೇಕು, ಅಮಾನತು ಮಾಡಬೇಕು ಎಂದು ಆಗ್ರಹಿಸಿದ್ರು.

ಇನ್ನೂ ಇದನ್ನು ರಾಜಕೀಯವಾಗಿ ಬಳಸಿಕೊಳ್ಳಬಾರದು ಅಂತ ಸಂಸದ ಉಮೇಶ್​ ಜಾಧವ್​ ಹೇಳಿದ್ದಾರೆ. ನಾವು ಕೂಡ ಎಷ್ಟೋ ಜನರಿಗೆ ಪಾಸ್ ಕೊಟ್ಟಿದ್ದೇವೆ ಎಂದ್ರು. ಈಗ ಎಲ್ಲರ ಟಾರ್ಗೆಟ್ ಪ್ರಧಾನಿ ನರೇಂದ್ರ ಮೋದಿ. ಕ್ಲಿಯರ್ ಕಣ್ಣಿನಿಂದ, ಕ್ಲಿಯರ್ ಮೈಂಡ್​ದಿಂದ ನೋಡಬೇಕು ಅಂತ ಹೇಳಿದ್ರು.

ಒಟ್ನಲ್ಲಿ, ನಂಬಿ ಕೆಟ್ರು ಅಂತಾರಲ್ಲ.. ಆ ಮಾತು ಸದ್ಯ ಬಿಜೆಪಿಯ ಸಂಸದ ಪ್ರತಾಪ್​ ಸಿಂಹರಿಗೆ ಅನ್ವಯವಾಗ್ತಿದೆ ಅಂದ್ರು ತಪ್ಪಾಗಲ್ಲ.. ವಿಪಕ್ಷಗಳ ಆರೋಪಕ್ಕೆ ತನಿಖೆಯಿಂದಲೇ ಉತ್ತರಸಿಗಬೇಕಿದೆ