ಜನಮನ
ಮನೆ ಮುಂದೆ ಆಟವಾಡುತ್ತಿದ್ದಾಗ ಸಂಪ್ಗೆ ಆಯತಪ್ಪಿ ಮಗು ಬಿದ್ದು ಸಾವು
Views: 0
ಬೆಂಗಳೂರು: ಆಟ ಆಡುತ್ತಿದ್ದ ವೇಳೆ ಸಂಪ್ಗೆ ಮಗು ಬಿದ್ದು ಸಾವನ್ನಪ್ಪಿರೋ ಘಟನೆ ಬಾಗಲಗುಂಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಆಯಿದಾ (5) ಮೃತ ಮಗು.
ಮೃತ ಆಯಿದಾ ಮನೆ ಮುಂದೆ ಆಟವಾಡುತ್ತಿತ್ತು. ನೀರು ಸಂಪ್ ಕ್ಯಾಪ್ ಓಪನ್ ಮಾಡಿ ಮಗುವಿನ ತಾಯಿ ಮನೆ ಒಳಗಡೆ ಹೋಗಿದ್ದಾರೆ. ಈ ವೇಳೆ ಮಗು ಆಟವಾಡಲು ಹೋಗಿ ಆಯತಪ್ಪಿ ಸಂಪ್ನಲ್ಲಿ ಬಿದ್ದಿದೆ. ತುಂಬಾ ಸಮಯದ ಬಳಿಕ ಮಗು ಕಾಣುತ್ತಿಲ್ಲ ಎಂದು ತಾಯಿ ಅಲ್ಲಿ ಇಲ್ಲಿ ಹುಡುಕಾಡಿದ್ದಾರೆ. ಬಳಿಕ ಸಂಪ್ನಲ್ಲಿ ಬಗ್ಗಿ ನೋಡಿದಾಗ ಮಗುವಿನ ಶವ ಕಂಡು ಅಚ್ಚರಿಯಲ್ಲಿ ತಾಯಿ ಕೂಗಾಡಿದ್ದಾರೆ.
ವಿಷಯ ತಿಳಿದ ಕೂಡಲೇ ಸ್ಥಳಕ್ಕೆ ಬಾಗಲಗುಂಟೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಸಂಬಂಧ ಬಾಗಲಗುಂಟೆ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.
