ತಳ್ಳೋ ಗಾಡಿಯಲ್ಲಿ ತರಕಾರಿ ಮಾರುವ ನೆಪದಲ್ಲಿ ಮಕ್ಕಳಿಲ್ಲದವರಿಗೆ ಹಸುಗೂಸು ಮಾರುತ್ತಿದ್ದ ಗ್ಯಾಂಗ್ ಪೊಲೀಸ್ ವಶಕ್ಕೆ 

Views: 0

ಬೆಂಗಳೂರು:ಹಸುಗೂಸುಗಳ ಮಾರಾಟ ದಂಧೆ ನಗರದಲ್ಲಿ ಎಗ್ಗಿಲ್ಲದೇ ನೆಡೆಯುತ್ತಿದೆ ಎನ್ನುವ ವಿಚಾರ ಬಯಲಾಗಿದ್ದೇ ತಡ ರಾಜ್ಯದ ಜನರಲ್ಲಿ ಆತಂಕ ಮೂಡಿಸಿತ್ತು. ಇದೀಗ ಈ ದಂಧೆಯಲ್ಲಿ ಜೈಲು ಸೇರಿರುವ ಕಿಂಗ್​ ಪಿನ್​ ಒಬ್ಬಳ ಕರಾಳ ಮುಖದ ಅನಾವರಣವಾಗಿದೆ.

ಆರೋಪಿಗಳಾದ ಶರಣ್ಯ, ಹೇಮಲತಾ, ಕಣ್ಣನ್​ ಸ್ವಾಮಿ, ಸುಹಾಸಿನಿ, ರಾಧಾ, ಮಹಾಲಕ್ಷ್ಮಿ, ಗೋಮತಿ ಹಸುಗೂಸನ್ನು ಮಾರಾಟ ಮಾಡುತ್ತಿದ್ದವರು ಸದ್ಯ ಜೈಲು ಸೇರಿದ್ದಾರೆ.

ಹಸುಗೂಸುಗಳ ಮಾರಾಟ ಜಾಲದಲ್ಲಿ ಭಾಗಿಯಾಗಿರುವ ತಮಿಳುನಾಡು ಮೂಲದ ಏಜೆಂಟ್ಸ್​​ ಆಗಿದ್ದಾರೆ. ಇದೀಗ ಇದೇ ಖತರ್ನಾಕ್​ ಗ್ಯಾಂಗ್​ನ ಕಿಂಗ್ ಪಿನ್ ಮಹಾಲಕ್ಷ್ಮಿಯ ಕರಾಳ ಮುಖ ಬಯಲಾಗಿದೆ.

ಸಿಸಿಬಿ ತನಿಖೆ ವೇಳೆ ಒಂದೊಂದೇ ಸ್ಫೋಟಕ ವಿಚಾರಗಳು ಬಯಲಾಗ್ತಾಯಿವೆ. ಹೌದು, ಈ ಗ್ಯಾಂಗ್​ನ ಕಿಂಗ್​ಪಿನ್​  ಮಹಾಲಕ್ಷ್ಮಿ​​ ಹಸುಗೂಸುಗಳ ಮಾರಾಟಕ್ಕೆ ಸಿನಿಮೀಯ ರೀತಿಯಲ್ಲಿ ಕಾಂಟ್ಯಾಕ್ಟ್ ಮಾಡ್ತಿದ್ಲು ಅನ್ನೋ ಮಾಹಿತಿ ಬಯಲಾಗಿದೆ. ಬಡವರಂತೆ ಬಟ್ಟೆ ಹಾಕ್ಕೊಂಡು, ತಳ್ಳೋ ಗಾಡಿಯಲ್ಲಿ ತರಕಾರಿ ಮಾರುತ್ತಾ ರಸ್ತೆಗಳನ್ನ ಸುತ್ತುತ್ತಿದ್ದ ಈಕೆ ತರಕಾರಿ ಮಾರುವ ನೆಪದಲ್ಲಿ ಮಕ್ಕಳಿಲ್ಲದೋರನ್ನು ಪರಿಚಯ ಮಾಡಿಕೊಳ್ತಿದ್ಳು. ನಂತರ ಸಲುಗೆ ಬೆಳಸಿಕೊಂಡು ಮಕ್ಕಳ ಸೇಲ್​ಗೆ ಡೀಲ್​ ಮಾಡ್ತಿದ್ಲು.

ಹೀಗೆ ಮಾತಿನ ಬಲೆಯಿಂದ ಮಕ್ಕಳಿಲ್ಲದ ನೀರನ್ನು ಬುಟ್ಟಿಗೆ ಬೀಳಿಸಿಕೊಳ್ತಿದ್ದವಳು ಡೀಲ್​ ಮಾಡಿ ಲಕ್ಷ ಲಕ್ಷ ಸಂಪಾದಿಸುತ್ತಿದ್ಲು ಎನ್ನಲಾಗ್ತಿದೆ. ಅದೇನೇ ಇರಲಿ, ಜನರ ಎಮೋಷನ್​ ಜೊತೆ ಆಟ ಆಡಿ ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದ ಮಹಾಲಕ್ಷ್ಮಿ ಅಂಡ್​ ಗ್ಯಾಂಗ್​ ಸದ್ಯ ಜೈಲು ಸೇರಿದ್ದು, ಇನ್ನಾದ್ರು ಇಂತವರ ಗಾಳಕ್ಕೆ ಬೀಳೋ ಮುನ್ನ ಎಚ್ಚರದಿಂದ ಇರಬೇಕಿದೆ.