ಮಂದಾರ್ತಿ ಅಮ್ಮನ ಎದುರೇ ಮತ್ತೆ ಸೇವೆಗೈದ ಸ್ತ್ರೀ ವೇಷದಾರಿ ಶಶಿಕಾಂತ್ ಶೆಟ್ಟಿ ಕಾರ್ಕಳ

Views: 103

ಕನ್ನಡ ಕರಾವಳಿ ಸುದ್ದಿ: ಸ್ತ್ರೀ ವೇಷದಾರಿ ಶಶಿಕಾಂತ್ ಶೆಟ್ಟಿ ಅವರು ಮಂದಾರ್ತಿ ಜಾತ್ರೋತ್ಸವ ಸಂದರ್ಭದಲ್ಲಿ ಮತ್ತೆ ಗೆಜ್ಜೆ ಕಟ್ಟಿ ಮಂದಾರ್ತಿ ಅಮ್ಮನ ಎದುರೆ ಸೇವೆಗೈದಿದ್ದಾರೆ.ಅವರ ಅಭಿಮಾನಿಗಳಿಗೆ ಹರ್ಷ ತಂದಿದೆ.

ಬಡಗುತಿಟ್ಟಿನ ಹೆಸರಾಂತ ಸ್ತ್ರೀ ವೇಷದಾರಿ ಯಕ್ಷ ಚಂದ್ರಿಕೆ ಬಿರುದಾಂಕಿತ ಶಶಿಕಾಂತ್ ಶೆಟ್ಟಿ ಕಾರ್ಕಳ ಅವರು ಕೆಲವು ದಿನಗಳ ಹಿಂದೆ ನಿಮೋನಿಯಾ ಹಾಗೂ ಉಸಿರಾಟ ತೊಂದರೆಯಿಂದಾಗಿ ಮಣಿಪಾಲ ಆಸ್ಪತ್ರೆಯ ಐಸಿಯುವಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

ಗಂಭೀರ ಸ್ಥಿತಿಯಲ್ಲಿದ್ದ ಶಶಿಕಾಂತ್ ಶೆಟ್ಟಿ ಅವರು ಶೀಘ್ರವಾಗಿ ಚೇತರಿಸಿಕೊಂಡು ಮತ್ತೆ ರಂಗದಲ್ಲಿ ಕಾಣುವಂತಾಗಲಿ ಎಂದು ಅಪಾರ ಯಕ್ಷಾಭಿಮಾನಿಗಳು ಪ್ರಾರ್ಥಿಸಿಕೊಂಡಿದ್ದರು.

ತೆಂಕು- ಬಡಗಿನಲ್ಲಿ ನೈಪುಣ್ಯತೆ ಹೊಂದಿದ ಕಲಾವಿದ ಶಶಿಕಾಂತ ಶೆಟ್ಟಿ ಅವರು ಸಾಲಿಗ್ರಾಮ ಮೇಳದಲ್ಲಿ ದೀರ್ಘಾವಧಿಯಲ್ಲಿ ಕಲಾಸೇವೆಗೈದಿದ್ದರು.