ಹೊಸ ವರ್ಷಕ್ಕೆ ಸಿಹಿ ಸುದ್ದಿ ಹೊತ್ತು ತಂದ ಬಜಾಜ್ ಚೇತಕ್ ಪ್ರೀಮಿಯಂ ಸ್ಕೂಟರ್
Views: 91
ಹೊಸ ವರ್ಷಕ್ಕೆ ಆಟೋಮೊಬೈಲ್ ಕಂಪನಿಗಳು ಎನಾದರೊಂದು ಸಿಹಿ ಸುದ್ದಿ ಹೊತ್ತು ತರುತ್ತವೆ. ಅದರಂತೆಯೇ ಇಂದು ಭಾರತದ ಜನಪ್ರಿಯ ಕಂಪನಿಯಾದ ಬಜಾಜ್ ಹೊಸ ವರ್ಷಕ್ಕೆ ವಿನೂತನ ಮಾದರಿಯಲ್ಲಿ ಚೇತಕ್ ಪ್ರೀಮಿಯಂ ಸ್ಕೂಟರ್ ಪರಿಚಯಿಸುತ್ತಿದೆ.
ಬಜಾಜ್ ಇಂದು ಪರಿಚಯಿಸುತ್ತಿರುವ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ 3.2kwh ಬ್ಯಾಟರಿ ಪ್ಯಾಕ್ ಹೊಂದಿದ್ದು, ಒಂದೇ ಚಾರ್ಜ್ನಲ್ಲಿ 126 ಕಿ.ಮೀ ಕ್ರಮಿಸುತ್ತದೆ. ಸ್ಟ್ಯಾಂಡರ್ಡ್ ಚಾರ್ಜರ್ ಬಳಸಿಕೊಂಡು 4 ಗಂಟೆಯಲ್ಲಿ 0-100 ಪ್ರತಿಶತ ಬ್ಯಾಟರಿ ಚಾರ್ಜ್ ಮಾಡಬಹುದಾಗಿದೆ. ಇನ್ನು ಇದರ ಗರಿಷ್ಠ ವೇಗ 63kmphನಿಂದ 73kmph ಕ್ರಮಿಸುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಹೇಳಿದೆ.
ಹೊಸ ಬಜಾಜ್ ಚೇತಕ್ ಪ್ರೀಮಿಯಂ 7 ಇಂಚಿನ ಡಿಸ್ಪ್ಲೇಯೊಂದಿಗೆ ಎಲ್ಇಡಿ ಕನ್ಸೋಲ್ ಹೊಂದಿದೆ. ರೌಂಡ್ ಎಲ್ಸಿಡಿ ಅರ್ಬೇನ್ ರೂಪಾಂತರವನ್ನು ಒಳಗೊಂಡಿದೆ. ಅಲ್ಲದೆ, ಈ ಎಲೆಕ್ಟ್ರಿಕ್ ಸ್ಕೂಟರ್ ಬ್ಲೂಟೂತ್ ಸಂಪರ್ಕ, ಟರ್ನ್-ಬೈ-ಟರ್ನ್ ನ್ಯಾವಿಗೇಶನ್, ಕರೆ, ಎಸ್ಎಮ್ಎಸ್, ಮ್ಯೂಸಿಕ್, ರಿಮೋಟ್ ಇಮೊಬಿಲೈಸೇಶನ್, ಟೈರ್ ಪ್ರೆಶರ್ ಮಾನಿಟರಿಂಗ್ ಅನ್ನು ತೋರಿಸುತ್ತದೆ.
ಇದಲ್ಲದೆ, ನೂತನ ಸ್ಕೂಟರ್ನಲ್ಲಿ ಇಲ್ಯುಮಿನೇಟೆಡ್ ಸ್ವಿಚ್ಗಿಯರ್, ಸಿಂಗಲ್ ಸೀಟ್, ಏಪ್ರನ್ ಸ್ಟೊರೇಜ್, ಅಲಾಯ್ ವೀಲ್, ಎಲ್ಇಡಿ ಇಂಡಿಕೇಟರ್ ನೀಡಲಾಗಿದೆ. ಸದ್ಯ ಮಾರುಕಟ್ಟೆಯಲ್ಲಿ ಹಲವು ಕಂಪನಿಗಳ ಎಲೆಕ್ಟ್ರಿಕ್ ಸ್ಕೂಟರ್ ಇವೆ. ಇದೀಗ ಬಜಾಜ್ ಅವುಗಳಿಗೆ ಸೆಡ್ಡು ಹೊಡೆಯಲು ಹೊಸ ಸ್ಕೂಟರ್ ಅನ್ನು ಇಂದು ಬಿಡುಗಡೆ ಮಾಡುತ್ತಿದೆ. ಇದರ ಬೆಲೆ 1.35 ಲಕ್ಷ ರೂಪಾಯಿ ಎಂದು ಅಂದಾಜಿಸಲಾಗಿದೆ.
