ಗೋ ಸ್ವದೇಶಿ ಕೈಮಗ್ಗ ಪ್ರದರ್ಶನ ಮೇಳಕ್ಕೆ ಚಾಲನೆ

Views: 0

ಗೋಕೂಸ್ ಸಂಸ್ಥೆಯ ವತಿಯಿಂದ ಬೆಂಗಳೂರು ಜೆಪಿ ನಗರದಲ್ಲಿ ಆಯೋಜಿಸಲಾಗಿರುವ ಸ್ವದೇಶಿ ಎಂಬ 5 ದಿನಗಳ ಕೈಮಗ್ಗ ಪ್ರದರ್ಶನ ಮೇಳಕ್ಕೆ ಚಾಲನೆ ನೀಡಲಾಯಿತು.

ಗೋ ಸ್ವದೇಶಿ ಭಾರತದಾದ್ಯಂತ ನೇಕಾರರು ಮತ್ತು ಕುಶಲಕರ್ಮಿಗಳ ವ್ಯಾಪಕ ಶ್ರೇಣಿಯ ಸೊಗಸಾದ ಮತ್ತು ಅಧಿಕೃತ ಕೈಮಗ್ಗ ಸೀರೆಗಳು, ಬಟ್ಟೆಗಳು, ಉಡುಗೆ ವಸ್ತುಗಳು,.ಸ್ಟೋಲ್ ಗಳು, ದುಪಟ್ಟಾ ಗಳು, ಪುರುಷರ ಉಡುಪುಗಳು, ಮನೆ ಅಲಂಕಾರ ಮತ್ತು ಪರಿಕರ ಉತ್ಪನ್ನಗಳನ್ನು ಪ್ರದರ್ಶಿಸಲಾಗುತ್ತಿದೆ.

5 ದಿನಗಳ ಈ ಕಾರ್ಯಕ್ರಮವು ಕುಶಲಕರ್ಮಿಗಳನ್ನು ಬೆಂಬಲಿಸುವ ಮತ್ತು ಕೈಯಿಂದ ನೇಯ್ದ, ಕೈಯಿಂದ ಹೆಣೆದ ಮತ್ತು ಕರಕುಶಲ ಉತ್ಪನ್ನಗಳ ಹೆಮ್ಮೆಯನ್ನು ಪುನಃ ಸ್ಥಾಪಿಸುವ ಗುರಿಯನ್ನು ಹೊಂದಿದೆ.

ಗೋ ಸ್ವದೇಶಿ ಸಮಕಾಲಿನ ಮತ್ತು ಸಾಂಪ್ರದಾಯಿಕ ಕೈಮಗ್ಗಗಳ ಮಿಶ್ರಣವನ್ನು ಹೊಂದಿದ್ದು, ಆಂಧ್ರ ಪ್ರದೇಶ, ಬಿಹಾರ, ಗುಜರಾತ್, ಕರ್ನಾಟಕ, ಮಧ್ಯ ಪ್ರದೇಶ, ರಾಜಸ್ಥಾನ, ತೆಲಂಗಾಣ, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳದ ನೇಕಾರರು ಅತ್ಯುತ್ತಮ ಸಂಗ್ರಹವನ್ನು ಹೊಂದಿದ್ದಾರೆ.