ವಿವಾಹ ವಾರ್ಷಿಕೋತ್ಸವ ದಿನದಂದೇ ದಾಂಪತ್ಯ ಜೀವನಕ್ಕೆ ಅಂತ್ಯಹಾಡಿದ ಕಿರುತೆರೆಯ ಜನಪ್ರಿಯ ಜೋಡಿ! 

Views: 33

ಕನ್ನಡ ಕರಾವಳಿ ಸುದ್ದಿ: ಮಲಯಾಳಂ ಕಿರುತೆರೆಯ ಜನಪ್ರಿಯ ಹಾಗೂ ನೆಚ್ಚಿನ ಜೋಡಿಗಳಲ್ಲಿ ಒಂದಾಗಿದ್ದ ಜೀವಾ ಜೋಸೆಫ್ ಮತ್ತು ಅಪರ್ಣಾ ಥಾಮಸ್‌ ಜೀವನವನ್ನು ಅಂತ್ಯಗೊಳಿಸುವುದಾಗಿ ಅಧಿಕೃತವಾಗಿ ಘೋಷಿಸಿದ್ದಾರೆ.

ಈ ಕುರಿತು ಜೀವಾ ಜೋಸೆಫ್ ಸೋಶಿಯಲ್ ಮೀಡಿಯಾದಲ್ಲಿ ಭಾವುಕ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ತಾವು ಪರಸ್ಪರ ಬೇರೆಯಾಗುತ್ತಿರುವ ವಿಷಯವನ್ನು ತಿಳಿಸಿದ್ದಾರೆ.

11 ವರ್ಷಗಳ ವಿವಾಹ ಜೀವನದ ನಂತರ ನಾವು ಬೇರೆ ಬೇರೆ ಹಾದಿ ಹಿಡಿಯುತ್ತಿದ್ದೇವೆ. ಎಲ್ಲೋ ಏನೋ ತಪ್ಪಾಗಿದೆ, ಮತ್ತು ಈಗ ಇದು ಸಾಧ್ಯವಿಲ್ಲ ಎಂಬ ಸತ್ಯವನ್ನು ನಾವಿಬ್ಬರೂ ಒಪ್ಪಿಕೊಂಡಿದ್ದೇವೆ. ಹೀಗಾಗಿ ಪರಸ್ಪರ ಒಪ್ಪಿಗೆಯಿಂದ ಬೇರೆಯಾಗಲು ನಿರ್ಧರಿಸಿದ್ದೇವೆ. ಇದರ ಹಿಂದಿನ ಕಾರಣ ಸಂಪೂರ್ಣವಾಗಿ ವೈಯಕ್ತಿಕವಾದದ್ದು. ನಾವು ಈ ನಿರ್ಧಾರವನ್ನು ಎಷ್ಟು ಪ್ರಬುದ್ಧವಾಗಿ ತೆಗೆದುಕೊಂಡಿದ್ದೇವೋ, ನೀವೂ ಸಹ ಇದನ್ನು ಅಷ್ಟೇ ಪ್ರಬುದ್ಧವಾಗಿ ಸ್ವೀಕರಿಸುತ್ತೀರಿ ಎಂದು ಭಾವಿಸುತ್ತೇವೆ

ಇದು ಅತ್ಯಂತ ವೈಯಕ್ತಿಕ ನಿರ್ಧಾರವಾಗಿದ್ದು, ಈ ಹಂತವನ್ನು ದಾಟಲು ನಮಗೆ ಖಾಸಗಿತನ ಮತ್ತು ತಿಳುವಳಿಕೆಯ ಅಗತ್ಯವಿದೆ. ಪ್ರತಿಯೊಂದೂ ಒಂದು ಕಾರಣಕ್ಕಾಗಿ ನಡೆಯುತ್ತದೆ ಎಂದು ಹೇಳಲಾಗುತ್ತದೆ,

ಮಲಯಾಳಂ ಕಿರುತೆರೆಯಲ್ಲಿ ಈ ಜೋಡಿಗೆ ಅಪಾರ ಅಭಿಮಾನಿಗಳಿದ್ದಾರೆ. ಜೀವಾ ಜೋಸೆಫ್ ಪ್ರಸಿದ್ಧ ರಿಯಾಲಿಟಿ ಶೋಗಳ ನಿರೂಪಕರಾಗಿ ಗುರುತಿಸಿಕೊಂಡಿದ್ದರೆ, ಅಪರ್ಣಾ ಥಾಮಸ್‌ ಪ್ರಸಿದ್ದ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಆಗಿದ್ದಾರೆ. ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಪ್ರೇಮಕಥೆ ಮತ್ತು ದಾಂಪತ್ಯ ಜೀವನದ ಸುಂದರ ಕ್ಷಣಗಳನ್ನು ಹಂಚಿಕೊಳ್ಳುತ್ತಿದ್ದರು.

ಸದ್ಯ ಜೀವಾ ಜೋಸೆಫ್ ಮಲಯಾಳಂನ ‘ಸಾ ರೇ ಗ ಮಾ ಪ ಕೇರಳಂ’ ಸಂಗೀತ ರಿಯಾಲಿಟಿ ಶೋ ನಿರೂಪಣೆ ಮಾಡುತ್ತಿದ್ದು, ಅಪರ್ಣಾ ಅವರು ಸೌಂದರ್ಯ ಮತ್ತು ಫ್ಯಾಷನ್ ಸಂಬಂಧಿತ ವಿಡಿಯೋಗಳ ಮೂಲಕ ಸಕ್ರಿಯರಾಗಿದ್ದಾರೆ.