ಜನರ ಮನಸ್ಸು ಗೆಲ್ಲಲು ನಿತ್ಯವೂ ಹಾವಿನೊಂದಿಗೆ ಅಲೆಮಾರಿ ಪುಟಾಣಿಗಳ ಕಾಯಕ !

Views: 5

ಅಯೋಧ್ಯೆಯು ಹಲವು ಕಾರಣಕ್ಕೆ ಗಮನ ಸೆಳೆಯುತ್ತದೆ. ಹಾಗೇ ಅಲ್ಲಿನ ಪುಟಾಣಿ ಹಾವಾಡಿಗರ ಪ್ರತಿದಿನದ ಹೋರಾಟ ಹೇಗಿರುತ್ತೆ ಗೊತ್ತಾ?

ಬಾಲಕಿ ಅಂಶು, ಅವಳ ಸ್ನೇಹಿತರಾದ ಖುಶ್ಬೂ, ಜ್ಯೋತಿ, ಪುಷ್ಪಾ ಮತ್ತು ಸಿಮ್ಮಿ ಅವರ ರೀತಿ ಹಾವಾಡಿಗರ ಕುಟುಂಬಕ್ಕೆ ಸೇರಿದ ಮಕ್ಕಳು ಅಯೋಧ್ಯೆಯಲ್ಲಿ ಹಲವರಿದ್ದಾರೆ. ಎಲ್ಲಾ ಮಕ್ಕಳು ನಿತ್ಯ ತಮ್ಮ ಸ್ನೇಹಿತರ ಜೊತೆ ಸಾವುಗಳನ್ನು ಬುಟ್ಟಿಯಲ್ಲಿ ತಂದು ಜನರ ಎದುರು ಪ್ರದರ್ಶನ ನೀಡುತ್ತಾರೆ. ಈ ಮೂಲಕ ಜನರ ಮನಸ್ಸು ಗೆಲ್ಲಲು ನಿತ್ಯ ಪ್ರಯತ್ನಿಸುತ್ತಾರೆ.

ಇವರೆಲ್ಲಾ ಸಾಂಪ್ರದಾಯಿಕವಾಗಿ ಅಲೆಮಾರಿ ಸಮುದಾಯಕ್ಕೆ ಸೇರಿದವರು. ಬದಲಾವಣೆ ಜೊತೆಗೆ ಅವರೆಲ್ಲಾ ಬೆರೆತು ಹೋಗುತ್ತಿದ್ದು, ಅವರ ಬದುಕಿಗೆ ಈಗ ಹೊಸ ಮಂದಹಾಸವು ಸಿಗುವ ನಿರೀಕ್ಷೆ ಇದೆ.

ಸರ್ಕಾರ  ಈ ಸಮುದಾಯದ ಅಭಿವೃದ್ಧಿಗಾಗಿ ಸಾಕಷ್ಟು ಕ್ರಮ ವಹಿಸಿದೆ. ಹೀಗಾಗಿ ಹಾವಾಡಿಗರ ಸಮುದಾಯದ ಸಬಲೀಕರಣಕ್ಕೆ ಹಲವು ಯೋಜನೆ ಜಾರಿಗೆ ತಂದಿದ್ದು ಮುಖ್ಯ ವಾಹಿನಿಗೂ ತರಲು ಕ್ರಮ ಕೈಗೊಳ್ಳುತ್ತಿದೆ. ಹೀಗೆ ಈ ಕ್ರಮ ಅಯೋಧ್ಯೆಯ ವೈವಿಧ್ಯಮಯ ಸಮುದಾಯ ರಕ್ಷಿಸಲು ಕೊಡುಗೆ ಕೂಡ ನೀಡಿದೆ.

ಅಯೋಧ್ಯೆ ಹೃದಯಭಾಗ  ನದಿಯ, ಪ್ರಶಾಂತವಾದ ದಡದಲ್ಲಿ ನೀವು ನಿತ್ಯ ಒಂದು ವಿಶೇಷ ದೃಶ್ಯ ನೋಡಬಹುದು. ಆ ವಿಶೇಷ ದೃಶ್ಯದ ಸಾರಥಿಗಳು ಇವರು. ಈ ಬಾಲಕಿ ಹೆಸರು ಅಂಶು ಎಂದು. ತನ್ನ 3ನೇ ವಯಸ್ಸಿನಿಂದಲೇ ಹಾವುಗಳ ಜೊತೆ ಆಟವಾಡುತ್ತಾ ಬೆಳೆದ ಈ ಬಾಲಕಿ ಇದೀಗ ತಾನೇ ಹಾವುಗಳನ್ನು ಆಡಿಸುತ್ತಾಳೆ

ಬಾಲಕಿ ಅಂಶು ಪ್ರತಿದಿನ ಬೆಳಗ್ಗೆ 10 ಗಂಟೆಯಿಂದ ಸಂಜೆ 4 ರವರೆಗೆ ಸರಯೂ ಘಾಟ್‌ಗೆ ತನ್ನ ಹಾವುಗಳನ್ನ ತಂದು ಆಟವಾಡಿಸುತ್ತಾಳೆ. ಸಂಜೆ ಸರಯೂ ಘಾಟ್‌ನಲ್ಲಿ ಆರತಿ ಮುಗಿದ ಬಳಿಕ ತನ್ನ ಮನೆಗೆ ಮರಳುತ್ತಾಳೆ. ಬಾಲಕಿ ಅಂಶುಗೆ ಭವಿಷ್ಯದ ಆಕಾಂಕ್ಷೆಗಳ ಬಗ್ಗೆ ಅನಿಶ್ಚಿತತೆಯ ವಾತಾವರಣ ಇದ್ದರೂ, ಆಕೆಗೆ ಟಿವಿ ನಾಟಕಗಳು ಎಂದರೆ ಅಚ್ಚುಮೆಚ್ಚು.

ಅಯೋಧ್ಯೆಯಲ್ಲಿ  ಹಾವಾಡಿಗರ ಮಕ್ಕಳ ಜೀವನ ವಿಶಿಷ್ಟ. ಧಾರ್ಮಿಕ ನಂಬಿಕೆ ಸೇರಿದಂತೆ ಕುತೂಹಲ ಅಥವಾ ಭಯದಿಂದ ಪ್ರವಾಸಿಗರು ಈ ಹಾವಾಡಿಗರ ಆಟವನ್ನು ನಿತ್ಯ ಕಣ್ತುಂಬಿಕೊಳ್ಳುತ್ತಾರೆ. ಹಾಗೇ ತಮ್ಮ ಕೈಯಲ್ಲಿ ಆದಷ್ಟು ಸಹಾಯ ಕೂಡ ಮಾಡುತ್ತಾರೆ. ಕೆಲವರು ಹಾವುಗಳನ್ನ ತಮ್ಮ ಕುತ್ತಿಗೆಗೆ ಧರಿಸಿಕೊಂಡು ಗಮನ ಸೆಳೆಯುತ್ತಾರೆ. ಪ್ರವಾಸಿಗರ ಪಡೆ ಕೂಡ ಕತ್ತಿಗೆ ಹಾವು ಧರಿಸಿ ಫೋಟೋ ತೆಗೆಸಿಕೊಳ್ಳುತ್ತದೆ.