ಅತ್ತೆ, ಮಾವ, ಮಕ್ಕಳಿಗೆ ನಿದ್ರೆ ಮಾತ್ರೆ ನೀಡಿ ಪಕ್ಕದ ಮನೆಯ ಪ್ರಿಯಕರನೊಂದಿಗೆ ಪರಾರಿಯಾದ ಒಂದೇ ಮನೆಯ ಸೊಸೆಯಂದಿರು
Views: 362
ಕನ್ನಡ ಕರಾವಳಿ ಸುದ್ದಿ :ಅತ್ತೆ, ಮಾವ, ಮಕ್ಕಳಿಗೆ ನಿದ್ರೆ ಮಾತ್ರೆ ನೀಡಿ ಪಕ್ಕದ ಮನೆಯ ಪ್ರಿಯಕರನೊಂದಿಗೆ ಒಂದೇ ಮನೆಯ ಸೊಸೆಯಂದಿರು ಪರಾರಿಯಾದ ವಿಚಿತ್ರ ಘಟನೆ ಪಶ್ಚಿಮ ಬಂಗಾಳದಲ್ಲಿ ನಡೆದಿದೆ.
ವ್ಯಕ್ತಿಗೆ ಈಗಾಗಲೆ ಮದುವೆಯಾಗಿ ಇಬ್ಬರು ಮಕ್ಕಳಿದ್ದಾರೆ. ಆದರೂ ಆತ ಪತ್ನಿ, ಮಕ್ಕಳು ಹಾಗೂ ಮನೆಯವರನ್ನು ಬಿಟ್ಟು ನೆರೆಮನೆಯ ಇಬ್ಬರು ಸುಂದರಿಯರೊಂದಿಗೆ ಪರಾರಿಯಾಗಿದ್ದಾನೆ.
ಕುಲ್ಟನ್ ಮಲ್ಲಿಕ್ ಮತ್ತು ನಲ್ಮಾ ಮಂಡಲ್ ಎಂಬ ಒಂದೇ ಮನೆಯ ಇಬ್ಬರು ಸೊಸೆಯಂದಿರು ನೆರೆಮನೆಯ ವಿವಾಹಿತ ಆರಿಫ್ ಮೊಲ್ಲಾ ಎಂಬಾತನೊಂದಿಗೆ ಸೆಪ್ಟೆಂಬರ್ 1ರಂದು ಪರಾರಿಯಾಗಿದ್ದು,
ವಿಚಿತ್ರವೆಂದರೆ ಆರಿಫ್ ಮೊಲ್ಲಾಗೆ ಮದುವೆಯಾಗಿ ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಮಲಿಡಾ ಗ್ರಾಮದ ಇಬ್ಬರು ಸಹೋದರರಾದ ಯಾಸಿನ್ ಶೇಖ್ ಮತ್ತು ಅನಿಸೂರ್ ಶೇಖ್‌ರ ಪತ್ನಿಯರಾದ ಕುಲ್ಟನ್ ಮಲ್ಲಿಕ್ ಮತ್ತು ನಲ್ಮಾ ಮಂಡಲ್ ತಮ್ಮ ಪಕ್ಕದ ಮನೆಯ ಆರೀಫ್ ಜೊತೆ ಪ್ರೇಮದ ನಂಟು ಬೆಳೆಸಿಕೊಂಡಿದ್ದಾರೆ. ಇಬ್ಬರೂ ಸೊಸೆಯಂದಿರು ಆರೀಫ್ ಜೊತೆ ಮನೆ ಬಿಟ್ಟು ಹೋಗಲು ನಿರ್ಧರಿಸಿದ್ದಾರೆ.
ಅನಿಸೂರ್ ಅಲ್ಲೇ ಗ್ರಾಮದಲ್ಲಿ ಗ್ಯಾರೇಜ್‌ನಲ್ಲಿ ಕೆಲಸ ಮಾಡುತ್ತಿದ್ದರು ಮತ್ತು ಯಾಸಿನ್ ವಿದೇಶದಲ್ಲಿ ಕೆಲಸ ಮಾಡುತ್ತಿದ್ದರು. ಸೆಪ್ಟೆಂಬರ್ 1ರಂದು ಅನಿಸೂರ್ ಮನೆಯಲ್ಲಿ ಇಲ್ಲದಿರುವಾಗ ಕುಲ್ಟನ್ ಮಲ್ಲಿಕ್ ಮತ್ತು ನಲ್ಮಾ ಮಂಡಲ್ ಸೇರಿ ಅತ್ತೆ ಮಾವ ಹಾಗೂ ಮೂವರು ಮಕ್ಕಳಿಗೆ ಚಹಾದಲ್ಲಿ ನಿದ್ರೆ ಮಾತ್ರೆ ಬೆರೆಸಿ ಅವರು ನಿದ್ರೆಯಲ್ಲಿರುವಾಗಲೇ ಮನೆಯಿಂದ ಪರಾರಿಯಾಗಿದ್ದಾರೆ.
ಕೆಲ ಹೊತ್ತಿನ ನಂತರ ಅನಿಸೂರ್ ಮನೆಗೆ ಬಂದು ನೋಡಿದಾಗ ಅರೆಪ್ರಜ್ಞಾವಸ್ಥೆಯಲ್ಲಿದ್ದ ಪೋಷಕರು ಹಾಗೂ ಮಕ್ಕಳನ್ನು ನೋಡಿ ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ನಂತರ ಮಕ್ಕಳಿಗೆ ಪ್ರಜ್ಞೆ ಬಂದ ನಂತರ ನಡೆದ ವಿಷಯ ಗೊತ್ತಾಗಿದೆ.
ಈ ಬಗ್ಗೆ ಅನಿಸೂರ್ ಅವರು ಬಾಗ್ಲಾ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.ಮೂವರನ್ನೂ ಪೊಲೀಸರು ಬಂಧಿಸಿದ್ದಾರೆ ಈ ವಿಚಿತ್ರ ಪ್ರಕರಣದ ಸುದ್ದಿ ಎಲ್ಲೆಡೆ ಹರಿದಾಡುತ್ತಿದ್ದು, ಸೋಶಿಯಲ್ ಮಿಡಿಯಾದಲ್ಲಿ ಜನ ವಿವಿಧ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
