ಕರಾವಳಿ

ಕೋಟ ಮೂಕೈ ಸಾೖಬ್ರಕಟ್ಟೆ ರಸ್ತೆಯಿಂದ ಹಳ್ಳಾಡಿ-ಹರ್ಕಾಡಿಯವರೆಗೆ ಸರಣಿ ಕಳ್ಳತನ 

Views: 85

ಉಡುಪಿ:  ಕೋಟ ಮೂಕೈ ಸಾೖಬ್ರಕಟ್ಟೆ ರಸ್ತೆಯಿಂದ ಹಳ್ಳಾಡಿ-ಹರ್ಕಾಡಿಯವರೆಗೆ ಸುತ್ತ ಮುತ್ತಲಿನ ಪರಿಸರದಲ್ಲಿ ಸರಣಿ ಕಳ್ಳತನ ನಡೆದ ಬಗ್ಗೆ ವರದಿಯಾಗಿದೆ.

ಕೋಟ ಮೂಕೈಯಿಂದ ಸಾೖಬ್ರಕಟ್ಟೆ ರಸ್ತೆಯಲ್ಲಿ ಹಾರ್ಡ್‌ ವೇರ್‌, ಗ್ರಾಮ ಒನ್‌ ಕೇಂದ್ರ, ಬಾರ್‌ ಸಮೀಪದ ಬೀಡ ಅಂಗಡಿ, ಎರಡು ಕಿರಾಣಿ ಅಂಗಡಿಗಳಿಗೆ ನುಗ್ಗಿದ ಕಳ್ಳರು ಬೀಗ ಮುರಿದು ಒಳನುಗ್ಗಿದ್ದಾರೆ. ಆದರೆ ಕೆಲವು ಕಡೆ ಹೆಚ್ಚಿನ ಮೊತ್ತ ಸಿಕ್ಕಿಲ್ಲ. ನಗದು ಸಿಗದ ಕಡೆಗಳಲ್ಲಿ ದೇವರ ಡಬ್ಬಿಯನ್ನು ಬಿಡದೆ ಕದ್ದೊಯ್ದಿದ್ದಾರೆ.

ಬಾರ್‌ನ ಬೀಗ ಒಡೆದ ಕಳ್ಳರು ಸುಮಾರು 50 ಸಾವಿರ ರೂ ಹಣ ಹಾಗೂ 4 ಸಾವಿರ ಮೌಲ್ಯದ ಮದ್ಯದ ಬಾಟಲಿಗಳನ್ನು ಕಳವು ಮಾಡಿದ್ದಾರೆ.

ಹಳ್ಳಾಡಿ-ಹರ್ಕಾಡಿ ಎರಡು ಕಡೆ, ಸಾೖಬ್ರಕಟ್ಟೆ ಒಂದು ಅಂಗಡಿ ಸೇರಿದಂತೆ ಮೂರು ಪ್ರಕರಣಗಳು ಮಾತ್ರ ದಾಖಲಾಗಿದ್ದು, ಹೆಚ್ಚಿನ ಮೊತ್ತ ಕಳವಾಗಿಲ್ಲ ಎನ್ನುವ ಕಾರಣಕ್ಕೆ ಕೆಲವು ಅಂಗಡಿ ಮಾಲಕರು ದೂರು ನೀಡಿಲ್ಲ.

ಈ ಕುರಿತು ಕೋಟ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನ ಸ್ಥಳಕ್ಕೆ ಉಡುಪಿ ಡಿವೈಎಸ್‌ಪಿ ಪ್ರಭು ಡಿ.ಟಿ., ಬ್ರಹ್ಮಾವರ ವೃತ್ತನಿರೀಕ್ಷಕ ದಿವಾಕರ ಪಿ.ಎಂ., ಕೋಟ ಪೊಲೀಸ್‌ ಠಾಣೆ ಉಪನಿರೀಕ್ಷಕ ತೇಜಸ್ವಿ, ಕ್ರೈಂ ವಿಭಾಗದ ಉಪನಿರೀಕ್ಷಕಿ ಸುಧಾ ಪ್ರಭು, ಹಾಗೂ ಸಿಬಂದಿಗಳಾದ ರಾಘು, ಪ್ರಸನ್ನ, ವಿಜಯ್‌ ಮೊದಲಾದವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.

 

Related Articles

Back to top button